A ALIMENTACIÓN

Os alumnos/as de 3º estamos traballando  o tema da alimentación, a roda dos alimentos, a dieta saudable, a pirámide... temas que forman parte do PDI deste ano e sobre o que traballaremos ao longo de todo o curso.

Ademais de aprender moitas cousas novas, pasamos un bo anaco gravando este vídeo, aquí volo deixamos para que lle botedes un ollo, non nos teñades moito en conta os erros que poidades atopar, estamos empezando!!!

E non esquezades que... XOGANDO TAMÉN SE APRENDE!!!

A ALIMENTACIÓN from Audición y lenguaje on Vimeo.

25 de novembro Día Internacional para a eliminación da violencia contra as mulleres

O alumnado de 4º tamén quixo dar un portazo á violencia de xénero



25 DE NOVEMBRO-1 from jmcarguez on Vimeo.

O 20 DE NOVEMBRO DÍA DOS DEREITOS DA INFANCIA

O alumnado de 4º de Ed. Primaria realizou este vídeo no que nos falan dos dereitos da infancia.



DEREITOS DAS NENAS E NENOS from jmcarguez on Vimeo.

CATA DE FROITAS

O pasado venres, Irene e a súa nai Ana, axudáronnos a enriquecer o noso PDI “Coidamos o noso corpo” cunha actividade na que coñecemos diferentes tipos de froitas e verduras. 

Primeiro, presentáronnos as froitas, cal era o seu país de orixe, como era o seu sabor e as propiedades e beneficios que tiña para a nosa saúde introducir determinados alimentos na nosa dieta. 

Despois, fixemos unha cata de froita moi especial... a cegas! Encantounos! Aquí vos deixamos a mostra. 

Moitas grazas familias!

  Cata de froitas from ecf on Vimeo.

Receitas saudables

A semana pasada, Sofie, coa axuda da súa familia, fixo unhas galletas saudables.

Na clase, explicounos a receita e falamos da importancia de coidar a nosa alimentación mantendo unha dieta equilibrada e suficiente contribuíndo así ao traballo do PDI “Coidamos o noso corpo”

O esqueleto Pedro

Co esqueleto Pedro memorizamos xogando os ósos do corpo.
Esta actividade tamén nos axuda a mellorar a nosa atención e concentración.

O esqueleto Pedro from Eva Conchouso on Vimeo.

O aparello excretor

Os nenos e nenas de 4º atopámonos traballando na área de Ciencias Naturais “O corpo humano”. 

Carla, coa axuda da súa familia, deseñou unha maqueta sobre o funcionamento do aparello excretor. Aquí vos deixamos unha mostra da súa explicación. 

Moitas grazas familias pola vosa colaboración!

O aparello excretor from Eva Conchouso on Vimeo.